انا مش عارفة اقولك اية ومش عارفة ابدى اعجابى ازاى بالكلام الاكثر من رائع وانت فتحت جروح كنت بحاول اقفل عليها والله يا اسلام مش هتلاقى حد ادى يحس بالى انت كاتبة دة انت كاتب بالتفصيل احساسى واحساس اى حد بيحب بصدق واخلاص وبيلاقى امام الحب الاساءة والغدر والخيانة وقتها للاسف حاجات كتير بتموت جوا الى بيتعرض للاساءة لان الى بيحب بجد هو الى بيحس بالالم والجرح بشكل رهيب وعمر الاساءة ما بتتنسى بالعكس بتفضل عايشة جوانا حتى لو فات ميت سنة بالذات لو كانت الاساءة دى من انسان حبيتة جدا من كل قلبك ومشاعرك واحاسيسك كلها كانت ملكة حبيتة من غير ما حتى تنتظر منة مقابل كل الى تتمناه انك تلاقى نفس الحب والاحترام بس الى بيحصل العكس وهو الخيانة والغدر
اما عدم نسيان الاساءة مش بيدل ابدا على سواد القلب بالعكس والله دة بيدل على اد اية القلب دة رقيق جدا وحنين وطاهر لان القلب الطاهر هو الى بتاثر فية الخيانة والغدر فمش بيقدر ينسى لان دة شىء بيبقا اتحفر جواة
ميرسى ليك جدا وانت انسان جميل اوى
ومواضيعك كلها متميزة جدا
اتمنى لك مزيد من التوفيق والنجاح